Lubug spat qnawal四弦琴

Sayang o pgkla ta kingal lubug Truku niqan bi endaan rdrudan seuxal-Lubug
spat qnawal. Quri spatas patas ka lubug spat qnawal o ana ini lala bi, lubug spat qnawal o pusu bi stmaan ska knkla kndsan seejiq Truku. Pseanak mkla ka lubug sbiyaw o ini bi pndka ka lubug spat qnawal ni lubug knxalan sayang ksun ni mdka bi pggaluk isil seejiq tnpusu do nii kmpriyux da.Ana saw kiya djiyun ska seejiq Truku ka lubug spat qnawal klaun ta balay miyah pgkla mskuxul ni hmrapas.

Knlangan seejiq Truku sexual asaw mnegaya bi ka rudan sbiyaw, risaw ni
wauwa smkuxul o ini hmut pgkla lnglungan dha, kiya ni dmuuy lubug spat qnawal pgkla lmnglung lnglungan dha ni powda lmbug pgkla mskuxul ni smdamat.Aji wana nii rmuus pgkla lnglungan, djiyun lubug hmrapas ni tqqaras seejiq alang kdjiyax.

Rahuq seejiq Truku ni ga ska seejiq tnpusu Taywang,seejiq Bunun ga spatas
patas dmuuy lubug spat qnawal ni lubug rima qnawal.Pnaah nii klaun ta lubug spat qnawal aji wana kingal klgan seejiq ni ga hnici ska klgan seejiq kana, asaw mtduwa pggaluk knkla kndsan.

Lubug spat qnawal o smluun seejiq Truku asi ka kndungus balay.Prjingan
mgaaw mllngug qcinuh ka dhiya ni dha siyaw qcinuh knkingal kmnhagat tmucing spat smuk,lmutut dmuuy spat qnawal pgdhug kska smuk ni mquri hnang lubug mnsuwil pskrut ni psruhaw priyux ka qnawal ,empdhug malu bi bhangan ka hnang niya.Endaan do dmuuy djima lmglug qnawal,kiya ni mtduwa lmubug spat hnang seejiq Truku Re、Mi、So、La,spat hnang dnii o msleexan ni suyang balay, saw mdka knkla kndsan seejiq Truku lnglungan dha knbalay bi.

Lubug spat qnawal hnang na o embqbuq mhnang ni tggseesu balay,keeman
do msdangi ka risaw ni wauwa mtduwa mniq siyaw tahut ni kkrana qrasun lnglungan dha,seejiq alang o msangay siida mtduwa mqaras.Powda saw nii lmubug aji wana pgkla lnglungan nanak ni pkrana pnegluban kana seejiq. Niqan ka lubug spat qnawal do pgkla endaan ni kmpriyux ka knkla kndsan
seejiq Truku.Lubug nii ana tgbgurah hari,kiya ka kiya ni ga mseupu ska kndsan ni knkla kndsan seejiq Truku,pnskraya mnangal ni mseupu seejiq mniyah,duri ni bbarah pgkla ni empkgburah smmalu knkla kndsan ta Truku nanak.

“Lubug spat qnawal” is a four stringes instrument. Although there are not many documents about “lubug spat qnawal”, it has an important place in the Taroko culture. Unlike other traditional instruments, the “lubug spat qnawal” is believed a relatively recent instrument, and may have evolved because of foreign ethnic groups. Noting Bunun people also have documented “Lubug spat qnawal” with four and five-stringed. Meaning that this instrument could be provement of cultural exchange in early days.

The role of “lubug  spat qnawal” is a little bit like ”lubug(Jew’s Harp)”. In traditional Taroko society it was not possible for young men and young women to chat or contact directly. “Lubug spat qnawal” too was played for blurry feelings and happy parties.

Taroko people make a “lubug spat qnawal” with much more craft skills. A “lubug spat qnawal” needs certain plank and to drive four nails with equal space in two rows. The four wires are fixed between these nails and need to adjusted carefully to achieve the pitch. Finally, by plucking the strings with bamboo chips, the instrument can be test the four traditional scales of Re, Mi, So, and La. For Taroko people, these four scales are simple and beautiful, and full of connotation.

The appearance of a “lubug spat qnawal” reflects the influence and cultural evolution of the Taroko people in different historical periods. Although relatively new, the instrument is deeply embedded in the life and culture of the Taroko people. It symbolizes the absorption and integration of foreign
cultures, and at the same time a reinterpretation and creation of our culture.